Çiçəklər. Kompazisiya №7

Əsasən yaşıl-mavi və qırmızı-sarı çalarlarda işlənmiş bu kompozisiya, su hövzəsinin kənarında bitən bitki və çiçəklərin sudakı əksini xatırladır. Qırmızı və sarı qönçələr ot saplaqlarının şaquli parlaq zolaqları ilə vəhdət təşkil edir. Lakin onların aydın həndəsi quruluşu, çiçəklərin göz oxşayan harmonik bir naxış yaratmaq məqsədilə qayğıkeş bir bağban tərəfindən xüsusi olaraq burada əkildiyindən xəbər verir.

Bununla belə, ola bilsin ki, biz həyətdə bitən çiçəkləri işığı sındıran və təbiətin rəng çılğınlığını əks etdirən şəbəkəli pəncərə barmaqlıqları arasından görürük; bu səbəbdən həmin barmaqlıqlar da bitkilərlə eyni rəng çalarlarına bürünüb.

Belə qeyri-adi əsər, həndəsi xüsusiyyətləri interyerə üzvi şəkildə daxil olarsa və onun xətlərini, eləcə də rəng qammasını vurğulayarsa, istənilən məkanın dizayn incisinə çevrilə bilər.