Tədbirlər

Qonaqlar arasında məşhur sənətşünas Mixail Kamenski də var idi. O, bu cür parlaq rəng palitrasından dərindən mütəəssir olmuşdu: “Mədinənin dünya duyumu o qədər canlı, təzadlı və səmimidir ki... Bir rəssam kimi Mədinə tamamilə bənzərsizdir. O, özündən əvvəl başqalarının nələr etdiyinə baxmaq üçün ətrafına boylanmır. Mənim üçün Mədinə ilə Kandinski və Yavlenski kimi rəssamlar arasında müəyyən bir ruh yaxınlığının olması aşkardır. Lakin mən onun hansısa şəkildə onların dünya duyumunu təqlid etdiyini düşünmürəm. Hesab edirəm ki, onların hamısı sadəcə dünyanı eyni cür hiss edirlər”.

Postmodernist rəssam Rauf Məmmədov Mədinənin əsərlərindən heyran qalmışdı. “Cekson Pollok hesab edirdi ki, rəssamın altşüurunda yaranan obrazı ilkin formasında qoruyub saxlamaq və şüurun kətana gedən yolda bu obrazı ‘düzəltməsinə’ imkan verməmək vacibdir. Hər şey parçalanır, sanki atomlara ayrılır, sürətli və təmiz rəng ləkələrinə çevrilir. Belə olan halda əşyalar dünyasının yox olması tamamilə haqlıdır. Lakin məlum olur ki, ətraf aləmin ilkin rənglərini əşyaların ölçüsünü və mahiyyətini dağıtmadan da qorumaq mümkündür. Mədinə bunu parlaq şəkildə nümayiş etdirir. Onun əsərlərində, Oskar Uaylddan sitat gətirsək, ‘həyat incəsənəti təqlid edir’. Burada real dünyanın heyrətamiz metamorfozası baş verir”, — deyə Məmmədov bildirir.