Dərinliklər (Generativ incəsənət)

Mədinə Qasımovanın "Dərinliklər" (Buzlaq 2023) əsəri maraqlı və zəngin bir tarixçəyə malikdir. İlkin olaraq 2019-cu ildə "Buzlaq" adı ilə yaradılan bu sənət nümunəsi, Ülvi Qasımovun müəllifi olduğu, Mədinə U. Qasımovanın və digər tanınmış simaların töhfə verdiyi "ART Odyssey Magazine: Navigating the Future of Art" jurnalının üz qabığında yer almışdır.(https://www.amazon.com/ART-Odyssey-Magazine-Navigating-Future/dp/B0CKJ5GD43 ).

2023-cü ildə Mədinə xanım əsərin tamamlanmadığını hiss edərək ona yenidən müraciət etmiş və kompozisiyaya kəskin qırmızı elementlər əlavə etməklə onu yeni bir bədii bəyanata çevirmişdir. Məhz bu yenilənmiş versiya generativ media əsərinin təməlinə çevrildi. Orijinal "Buzlaq" isə hazırda yalnız rəqəmsal formada mövcuddur və öz rəqəmsal pasportu vasitəsilə qorunub saxlanılır.

"Dərinliklər" əsəri 2-8 sentyabr 2024-cü il tarixlərində Nyu-Yorkun Tayms-skver meydanında "Art Innovation Gallery" tərəfindən təşkil olunmuş "7-ci Müasir və Rəqəmsal İncəsənət Sərgisi" (7 Contemporary and Digital Art Exhibition) çərçivəsində geniş ictimaiyyətə təqdim edilmişdir. Bundan əlavə, əsər Heydər Əliyev Mərkəzində keçirilən Bakı Beynəlxalq Film Festivalında media-art nümayişinin bir hissəsi kimi nümayiş etdirilmişdir.