Honkonq səması rəqəmsal qalereyaya çevrilir: —Mədinə Qasımovanın təqdimatında

Mədinə Qasımovanın rəqəmsal sənət əsərləri Art Basel həftəsi çərçivəsində keçirilən “LUMINANCE” (“PARILTININ İFADƏSİ”) layihəsi üçün Honkonqun LED bilbordlarını işıqlandırdı. 28 mart – 3 aprel 2025-ci il.

2025-ci il martın 28-dən aprelin 3-dək Honkonqun Monq Kok rayonundakı parıldayan LED bilbordlar “LUMINANCE” (“PARILTININ İFADƏSİ”) layihəsi üçün nəhəng rəqəmsal kətanlara çevrildi. “Art Innovation” tərəfindən həyata keçirilən bu ictimai incəsənət layihəsi dizayn, texnologiya və müasir mədəniyyəti özündə birləşdirir.

Bu prosesin önündə isə .ART-ın rəsmi rəssamı və “Healing Power of Art” (“İncəsənətin Şəfaverici Gücü”) təşəbbüsünün ilham mənbəyi Mədinə Qasımova dayanır. Mədinənin “TIME TO ART” (“İNCƏSƏNƏT ZAMANI”) seriyasından olan işıqlı və laylı rəqəmsal əsərləri şəhərin ən böyük ekranlarından birində nümayiş etdirilərək, dünyanın ən işlək kəsişmələrindən birinin ortasında vizual hüzur, heyrət və daxili düşüncələrə dalmaq imkanı təqdim etdi.

Piksellərdən Məqsədə

Emosiya, rəng və hərəkəti birləşdirən özünəməxsus üslubu ilə tanınan Mədinə Qasımovanın yaradıcılığı rəqəmsal məkanda nadir rast gəlinən bir məqama — real hisslərə toxunur. Onun “LUMINANCE” (“PARILTININ İFADƏSİ”) layihəsindəki işləri incəsənəti kollektiv şəfa alətinə çevirmək missiyasının davamıdır — bu, müasir dövrün həddindən artıq informasiya yükü ilə dolu dünyasında xüsusilə vacibdir.

Honkonqdakı bu hadisə sadəcə gözəl görüntülərin nümayiş olunduğu növbəti bir ekran deyildi. Bu, miqyas, görünürlük və təsir gücü demək idi — rəqəmsal incəsənəti telefon ekranlarından kənara çıxarıb hər kəsin görə biləcəyi yerə daşımaq idi. Mədinənin layihədə yer alması onun yaradıcılığının keçdiyi yolun miqyasını bir daha sübut edir: bizim art-terapiya təşəbbüslərimizin özəyindən planetin ən mötəbər beynəlxalq incəsənət arenalarından birinədək

Təfərrüatlar:

Tədbir: "Art Innovation" tərəfindən "LUMINANCE" (“PARILTININ İFADƏSİ”)

Məkan:

Üfüqi bilbord: 6-12 Sai Yeung Choi Street South, Mong Kok

Şaquli bilbord: 33A Argyle Street, Mong Kok

Tarix: 28 mart – 3 aprel, 2025-ci il

İş saatları: Hər gün saat 10:00-dan 22:00-dək (əsərlər dövri olaraq nümayiş etdirilir)

Sərgi dörd kateqoriyaya bölünür: Feature, Solo, Brand və Unlimited. Mədinənin yaradıcılığı bu kateqoriyalar arasındakı məkanda qərarlaşaraq şəxsi özünüifadə, ictimaiyyətlə ünsiyyət və brend fəlsəfəsi (ethos) arasında körpü yaradır. Onunla yanaşı, bilbordlar seriyasında Marcel van Luit, Mat Voyce, Elastique kimi tanınmış müəlliflərin və bir çox başqalarının əsərləri nümayiş etdirilir.

Niyə bu, vacibdir?

Mədinənin “LUMINANCE” (“PARILTININ İFADƏSİ”) layihəsindəki iştirakı genişlənməkdə olan bir hərəkatın tərkib hissəsidir: ictimai rəqəmsal məkanın emosional, mədəni və hətta terapevtik əlaqələr qurmaq üçün istifadə edilməsi. .ART olaraq biz "görünən olmağın" (visibility) gücünə inanırıq — bu, təkcə sənət əsərləri üçün deyil, həm də qarşısına ali məqsədlər qoyan rəssamlar üçün önəmlidir. Bu sərgi Mədinənin bədii vizyonunu qlobal auditoriyaya çatdıraraq hər zaman bildiyimiz bir fikri yenidən təsdiqləyir: rəqəmsal incəsənət sadəcə bəzək deyil — o, şəfa tapmaq, hekayə nəql etmək və dəyişiklik yaratmaq üçün bir vasitədir.

Odur ki, əgər Honkonqdasınızsa, bu nümayişi mütləq görün. Deyilsinizsə, bizi izləməyə davam edin. Mədinə hələ yolun başlanğıcındadır.

Art.art saytındakı məqalədən https://art.art/blog/hong-kongs-skies-into-a-digital-galleryfeaturing-medina-kasimova