Daşda alov (Public Art)

Şüşə, plastik, ərklez , metal, LED işıqlandırma.

Multidissiplinar rəssam Medinanın «Daşda alov» əsəri İçərişəhər Dövlət Tarix-Memarlıq Qoruğu İdarəsinin və .ART domen reyestrinin İctimai İncəsənət Proqramının ilk layihəsidir. Proqram müasir incəsənəti Bakının İçərişəhərinin tarixi mühitinə gətirməyi hədəfləyir.

Mənşəyinin bəzi yozumlarda qədim od mədəniyyəti ilə əlaqələndirildiyi Qız qalasının yaxınlığında yerləşən əsər Azərbaycanın mədəni irsində dərin kök salmış bir rəmzə müraciət edir. Bu rəmz Novruz bayramı kimi ənənələrdə də yaşayır: tonqal üzərindən tullanmaq yenilənmə ayinini ifadə edir.

Ənənəvi formaları özünəməxsus şəkildə yenidən şərh etməsi ilə tanınan Medina daş döşəməyə inteqrasiya olunmuş, işıq saçan ərklez və şüşə kompozisiyası yaradır. Kompozisiya Azərbaycan vizual mədəniyyətinin ən tanınmış motivlərindən biri olan, forması alov dillərini xatırladan butanın konturlarını izləyir.

Keçmişlə bu günü birləşdirən «Daşda alov» maddi sənət əsərini Azərbaycanın hekayələrdə, rəmzlərdə və ayinlərdə qorunub saxlanılan qeyri-maddi irsi ilə əlaqələndirir. Bu dialoq QR-kod vasitəsilə əlçatan olan artırılmış reallıqda davam edir və əsərin rəqəmsal ölçüsünü üzə çıxarır.